Praktisk informasjon for nye elevar

Første inntaket til vidaregåande opplæring er 8. juli - hugs å svare innan 16. juli. Andre inntaket er 22. juli med svarfrist innan 30. juli. Tredje inntaket er 5. aug. Her svarer du JA til tilbod ved å møte på skulen første skuledag.

Firda vgs startar opp nytt kull for helsefag vg1 til hausten. Inntaksbrev er sendt ut, svarfrist 1. juli. Vaksenopplæringa startar i veke 34, deltakarane vil få tilsendt meir informasjon om oppstart til hausten.

Alle elevar i vidaregåande opplæring må ha eigen datamaskin. Du kan kjøpe rimeleg PC gjennom fylkeskommunen. Dette tilbodet gjeld for nye vg1 elevar, elevar i innføringsklassar for minoritetsspråklege og deltakarar i vaksenopplæringa. Les meir om Elev-PC ordninga her.

Alle i vidaregåande opplæring kan søkje om lån og stipend i Lånekassen. Elevar som har fått skuleplass og takka ja til den, kan søkje om støtte med éin gong. Dei fleste elevar i vidaregåande skole får tilbod om skuleplass i juli. Les meir om lån og stipend på lanekassen.no