Firda vgs tilbyr vg3 tannhelsesekretær som nettstudie.
Tannhelsesekretær (vg3) - nettskuletilbod
Som tannhelsesekretær jobbar du tett på pasientar og pårørande, og du er bindeleddet mellom pasientane og tannhelsetenesta. Som tannhelsesekretær har du hovudansvaret for smittevern og hygiene på tannklinikken, og du kan jobbe på både offentlege og private tannlegekontor.
Sentrale arbeidsoppgåver
- førebyggande tannhelsearbeid
- å assistere i alle behandlingssituasjonar
- reingjering, sterilisering og vedlikehald av instrumenter og utstyr
- utføring av røntgenopptak og enklare laboratoriearbeid
- kontortekniske oppgåver og bruk av pasientadminstrative IKT-system
Personlege eigenskapar
Tannhelsesekretæren må kunne jobbe i team, i tillegg til å utføre sjølvstendig arbeid. Du må arbeide nøyaktig, planmessig og effektivt. Du må kommunisere godt både munnleg og skriftleg, og ha evne til å yte god service overfor pasientane. Tannhelsesekretæren må følgje med i den raske utviklinga av odontologiske materialar og behandlingsmetodar, og kunne meistre utfordringar knytt til eit fleirkulturelt samfunn.
Organisering av opplæringa
Opplæringa vil hovudsakeleg vere nettbasert, i tillegg til fire obligatoriske samlingar på Firda vgs i løpet av skuleåret. På dei fysiske samlingane jobbar vi med praksisnære oppgåver og har vurderingssituasjonar. I tillegg treng du praksis frå arbeidslivet.
Målgruppa er vaksne som enten jobber på tannlegekontor, men som manglar autorisasjon som tannhelsesekretær, eller andre vaksne som ønskjer å utdanne seg til tannhelsesekretær. Kan hende du alt er i eit relevant arbeid, og kan nytte dette som ein del av opplæringa? Dersom du ikkje er i arbeid, vil det vere behov for opplæring i relevant bedrift.
Nettskuletilbodet er eit samarbeid mellom Nettskulen Vestland og Firda vidaregåande skule. Målet med nettskulen er å legge til rette for fleksibel opplæring for vaksne, uansett kor ein bur i fylket.
Fag og timefordeling - vg3 tannhelsesekretær
| Fagkode | Fag | Timetal a 60 min | Type fag |
| TAN3005 | Smittevern, tannanatomi og fysiologi | 250 | Programfag |
| TAN3006 | Kommunikasjon og samhandling | 250 | Programfag |
| TAN3007 | Yrkesliv i annhelsesekretærfaget | 425 | Programfag |
Formelle krav
For å kunne bruke yrkestittelen tannhelsesekretær må du ha autorisasjon fra Helsedirektoratet. Skulen hjelper til med å søkje om autorisasjon etter bestått tverrfagleg eksamen på vg3.
Realkompetansevurdering
Realkompetansevurdering vart innført med ny opplæringslov i 2024. Den gir vaksne rett til å bli realkompetansevurdert før inntak til vidaregåande opplæring. Realkompetansevurdering innebærer ei gjennomgang av din formelle og uformelle kompetanse knytt til tidlegare utdanning, lønna eller ulønna arbeid, organisasjonsarbeid eller fritidsaktivitetar. Viss du ikkje har formell utdanning som grunnlag for opptak til utdanning, kan du søkje om opptak på grunnlag av din realkompetanse.
For å komme inn på vg3 tannhelsesekretær, må ein enten å ha bestått vg1 helse- og omsorgsfag og vg2 helseservicefag eller blitt realkompetansevurdert og fått godkjent faga på vg1 og vg2.
Viss ein har fått godkjent programfaga på vg1 og vg2, men ikkje fellesfaga, må ein passe på å ta desse faga før ein kan søkje om autorisasjon på vg3.
Søk her
Her finn du informasjon om korleis du søkjer vidaregåande opplæring i Vestland fylkeskommune.