Vaksenopplæring

Utdanningsprogram innan helse- og oppvekstfag ved Firda vgs

Det er stort behov for faglærte innan helsesektoren, og hos oss kan du velje mellom 3 ulike utdanningsprogram.

Les meir om tilbodet her

Modulstrukturert fag- og yrkesopplæring for vaksne (MFY)

Fra 1. august 2024 vert det innført modulstrukturerte læreplanar for vaksne i grunnopplæringa. MFY er ein måte å organisere opplæring fram mot fag- og sveinebrev på. Det skal vere tilpassa, effektivt og fleksibelt, og tek utgangspunkt i den vaksne sine behov og livssituasjon. Hovudopplæringa vil skje meir i bedrift og mindre i skule. Ved Firda vgs tilbyr vi skuleåret 2024/2025 modulstrukturert fag- og yrkesopplæring i helsearbeiderfaget, etter Gloppenmodellen og gjennom nettskulen. 

Les meir om modulstrukturert opplæring for vaksne her

Meir søkelys på praktisk arbeid og livssituasjon i vaksenopplæringa

Nettskule

Nettskuletilboda er eit samarbeid mellom Nettskulen Vestland og Firda vidaregåande skule som skal legge til rette for fleksibel opplæring for vaksne.

Kanskje er kvardagen utfordrande og kompleks, eller reiseveg sett ein stoppar for å få kompetansen? Opplæringa vil hovudsakeleg vere nettbasert, men du må også rekne med nokre fysiske samlingar i løpet av skuleåret. Kan hende du alt er i eit relevant arbeid, og kan nytte dette som ein del av opplæringa? Dersom du ikkje er i arbeid, vil det vere behov for opplæring i relevant bedrift.

Les meir om nettskulen i Vestland her

Gloppenmodellen - helsearbeiderfag

Gloppenmodellen er ein vekslingsmodell kor ein vekslar mellom opplæring i skule og opplæring i bedrift/praksisfeltet. Tilbodet er tilpassa vaksne med anna morsmål enn norsk. Andre vaksne kan òg søke.

Praksisen går føre seg i heimkommunen, og blir godskrive som læretid. Opplæringa legg vekt på teori og språklæring i praksis. Etter endt utdanning og bestått  fagprøve får du fagbrev i helsearbeidarfaget, og du kan søkje om autorisasjon som helsefagarbeidar.

Les meir om Gloppenmodellen her