Helse- og oppvekstfag er ei yrkesfagleg utdanning og er for deg som er omsorgsfull og liker å samhandle med andre. Etter 2 år på skule kan du gå ut i lære. Du kan også ta påbygg til generell studiekompetanse før eller etter læretida.
Helse- og oppvekstfag
Bruk piltastene til å bla i bildene
Yrke og utdanningsprogram innan helse- og oppvekstfag ved Firda vgs skuleåret 2024/25.
Helsefagarbeidar
Som helsefagarbeider har du varierte arbeidsdagar og kontakt med mennesker i alle aldrar. Primæroppgåva til helsefagarbeidaren er å gje omsorg og utføre grunnleggande sjukepleie til menneske med ulike behov. Din jobb blir å hjelpe dei til å meistre eige liv. Som helsefagarbeidar kan du blant anna jobbe i sjukeheim og omsorgssenter, i heimesjukepleien, psykiatrien og på sjukehus.
Ved Firda vgs kan du utdanne deg til helsefagarbeidar gjennom:
- Gloppenmodellen (tilpassa opplæring etter Gloppenmodellen)
- Nettskule (fleksibel opplæring for vaksne over nettet)
Helseservicefag
Vg2 helseservicefag lærer deg å gi god helseservice til ulike menneske. Du opparbeidar deg praktiske ferdigheiter ved å bruke medisinsk utstyr, og å utføre administrative oppgåver. Samarbeid med andre og god kommunikasjon er viktige eigenskapar. Fullført vg2 helseservicefag kvalifiserer for inntak til blant anna tannhelsesekretær, helsesekretær og apotekteknikk.
Tannhelsesekretær
Tannhelsesekretæren har mange viktige arbeidsoppgåver på ein tannklinikk. Utdanninga gir ei unik moglegheit for å kombinere omsorgsarbeid med serviceyrket. Du vil arbeide tett med pasientar og anna tannhelsepersonell, og du er ein viktig del av tannhelseteamet i tillegg til eigne oppgåver. Viss det er nok søkjarar, kan Firda vgs starte opp nettundervisning for tannhelsesekretærar frå hausten 2025.
Her finn du informasjon om korleis du søkjer vidaregåande opplæring i Vestland fylkeskommune.